WIZARA YA MALIASILI YAKUBALI KUKUTANA NA TATO

WIZARA ya Maliasili na Utalii, imekubali kukaa meza moja na Chama cha Wamiliki wa Makampuni ya Kitalii Nchini (TATO) ili kutafuta

ufumbuzi wa mvutano wa kimasilahi uliomudu kwa muda mrefu kati ya pande hizo.

Naibu Waziri wa Maliasili na Utalii, Mahmoud Mgimwa, aliyasema hayo katika Mkutano Mkuu wa tatu wa chama cha waongoza watalii mkoani Kilimanjaro (KGA), na kueleza kuwa ili kuhakikisha mvutano huo unafikia kikomo kwa ajili ya ustawi wa sekta ya utalii nchini.

"Sisi kama Wizara tutawaita TATO na KGA kwasababu sisi kama

Wizara tuliwahi kutamka awali kwamba waongoza watalii walipwe dola za kimarekani 20 na wengine dola 15, lakini tulikwenda haraka sasa tunataka tuwaite wenzetu tuzungumze nao," alisema Mgimwa.

Mgimwa alisema kutokana na umuhimu wa waongoza watalii katika ustawi

wa utalii nchini, Serikali itahakikisha inapambana kuboresha hali yao

kiuchumi ambapo aliagiza uongozi wa Hifadhi za Taifa (TANAPA) pamoja

na Hifadhi ya Mlima Kilimanjaro (KINAPA) kuhakikisha inaandaa kikao

cha wadau wa utalii kujadili swala la Maslahi ya Waongoza watalii

kabla ya mwisho wa mwaka huu.

Aidha Mgimwa aliitaka KGA, kuhakikisha wanachama wake

wanakuwa na mikataba na makampuni wanayofanya nayo kazi kama njia ya

kupunguza manung’unuki ya kila mara.

Awali akisoma Risala ya waongoza watalii, Mwenyekiti wa KGA,

Respicious Baitwa, aliiomba Wizara ya Maliasili na Utalii kutoa tamko

rasmi juu ya viwango vya malipo kwa waongoza watalii na kushirikiana nao katika kuwaendeleza kitaaluma.

Chanzo:Tanzania Daima

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.