KAYA ZOTE KILIMANJARO KUJIUNGA ICHF

 SERIKALI Mkoa wa Kilimanjaro ipo mbio kuhakikisha kaya zote za wakazi wa mkoa huo zinajiunga na Bima ya Afya ya Jamii iliyoboreshwa (iCHF) ili kupata matibabu muda wote.

Akizungumza hivi karibuni katika hafla ya uzinduzi wa mfuko wa iCHF mkoani hapa jana, alisema mpango wa serikali ni kuhakikisha kila kaya nchini Tanzania inakua mwanachama wa mfuko huo.

Katika hotuba ya Mganga Mkuu wa Mkoa wa Kilimanjaro, Dk. Mtumwa Mwako ilisema serikali iko katika hatua za mwisho kuupeleka muswada huo bungeni ambao utalazimisha kila kaya ijiunge na bima ya afya.

“Muswada umeshapitishwa na Baraza la Mawaziri na sasa umepelekwa kwenye kamati ya Bunge ya huduma za jamii kabla ya kusomwa rasmi bungeni,” alisema na kuongeza maboresho ya CHF yamekuja muda muafaka.

Akizungumza katika hafla hiyo kwa niaba ya Mkurugenzi Mkuu wa Mfuko wa
Taifa wa Bima ya Afya (NHIF), Mkurugenzi wa iCHF, Athuman Rehani alisema
Mfuko huo umekasimiwa na serikali mamlaka ya kusimamia mfuko wa afya ya jamii ulioboreshwa.

Alisema NHIF imelenga ifikapo mwaka 2015
asilimia 30 ya watanzania wote wawe wamejiunga na mfuko huo huku akibainisha kwamba hadi Septemba mwaka huu, asilimia 16.5 ya watanzania wanatumia bima hiyo.

Mkurugenzi wa Halmashauri ya wilaya ya Siha, Rashid Kitambulilo alisema mpango huo umefanikiwa kwa sababu tayari familia 431 zimejiunga na iCHF.

  Chanzo;Tanzania Daima

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.