WACHUUZI WATELEKEZA SOKO GONJA

  kazini Mafundi wakiendelea na na kazi ya ujenzi wa Mradi wa gati mpya ya Kiwira katika Ziwa Nyasa, Wilaya ya Kyela mkoani Mbeya juzi.

 Wachuuzi na wafanyabiashara wa mazao ya chakula katika soko la Gonja-Maore, lililopo Kata ya Maore wilayani Same, Mkoa wa Kilimanjaro, wamelitelekeza soko la kisasa lililojengwa kwa Sh80 milioni kwa kile kilichodaiwa kukosekana kwa miundombinu muhimu.

Soko hilo lililojengwa na Serikali kupitia mradi wa Tasaf awamu ya pili, lilizinduliwa na kiongozi wa mbio za Mwenge Novemba 2014, Rachel Kasanda lakini mpaka sasa wafanyabiashara wa maeneo hayo wamegoma kulitumia soko hilo kwa kukosekana kwa huduma ya maji.

Wakizungumza juzi baadhi ya wafanyabiashara, Fatuma Hussein na Mwajuma Ally walidai kuwa wafanyabiashara wamegomea soko hilo kwa sababu limejengwa mbali na makazi ya wananchi na hivyo wananchi wengi huishia kununua bidhaa zinazouzwa mtaani na kwa wanaotembeza.

Walidai mbali na sababu ya umbali pamoja na ukosefu wa maji, pia soko hilo halijajengewa uzio jambo linalowafanya wafanyabiashara hao kuhofia mali zao kuibwa.

Mwenyekiti wa Serikali ya Kijiji cha Maore, Mbura Omar, mbali ya kukiri kuwapo kwa kasoro zilizopo, alisema uongozi mpya wa kijiji hicho umejipanga kuingilia kati sakata hilo ili kuhakikisha changamoto hizo zinatatuliwa na wafanyabiashara wanauza biashara zao ndani ya soko.

Diwani wa kata ya Maore, Hamad Sempombe alisema kuwa hakuna mfanyabiashara au mchuuzi atakayeruhusiwa kuendesha biashara nje yasoko hilo, na kwamba kwa sasa wamepanga kukutana na wafanyabiasharaili kuona ni jinsi gani ya kutatua changamoto hizo na kujenga umojautakaowafanya wafanyabiashara kutii sheria za kuuza bidhaa sokoni nasio barabarani
 Chanzo:Mwananchi

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.